شاطر | 
 

 قصة حب الكتروني (8)

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
المدير العام
المدير العام


مشاركاتي » مشاركاتي » : 312
العمر » العمر » : 18

مُساهمةموضوع: قصة حب الكتروني (8)   الأربعاء ديسمبر 19, 2012 2:28 pm

" حب إلكتروني "
(8)
فـــتح الباب عبود الأخ الأصغر لــقيس
قال محمد :- كيفك ولا
عبوود :- الحمد لله
محمد :- وين أخوك ؟؟
عبوود :- هيو جوا
محمد :- طيب ناديلي إيــاَه
_______________
ذهب " عبود " لــغرفة قيس وقال :- صاحبك الزنخ محمد على الباب
قيس :- شوووووووووووووو إحكيلوا مش هون
عبود :- ما أنا حكتلوا إنك هوون
قيس :- إحكيلوا نــاَيم
______________
إرتبكَ قيس جِداً ... ولم يعد يعرف ماذا يفعل
ماذاَ سيــقول له !!
__________________
ذهب " عبود " وقــال لمحمد
بحكيلك قيس إنه نايم
ضحك محمد وأستغرب في نفس الوقت ... لماَذا يتهرب منه !!!!
قال محمد :- في حدا جوا ؟؟
عبود :- لأ قيس لحاله ابوي وإمي طلعوا
محمد :- طيب دخلني على غرفته
عبوود :- إمشي
_______________
دَق محمد بــاب غُرفة قيس ... وقال :- في مجال أدخل ولاَ
إنصدم قيس وأرتبك وقال :- اه فوت
محمد :- عبوود حبيبي سكر الباب
________________
محمد :- شو مالك يا قيس ؟؟
قيس :- شو مالي ولا شي
محمد :- إنت من امبارح بعد ما بعتلك الصوره
إختفيت فــجأه ..وبرن عليك ما بترد وبعدين طفيت تيلفونك شو القصه صاير معك شي
طأطأ قيس رأسه وقــال بِصوت خــاَفت :- ولا إشي هيك تعبــاَن شوي
محمد :- قيس مش علي هالحــركات أنا مش إمبارح بعرفك إلنا سنين بنعرف بعض إنت صاير معك إشي كبير كماان إحكيلي يا قيس
قيس :- محمد خلص إتركني بحالي
محمد :- على راَحتك يا قــيس بس أخريتك راَح تحكيلي ...
قيس :- ماشي
محمد :- يزم بحياة امك مش متعود أشوفك زي هيك روووق يا حب ما في شي مستاهل
فقد أعصابه قيس وقال :- محمددددد خلص إتركني بحالي
محمد :- طول بالك قيس ولك شو مالك هيك شو صاير معك
دَخل الغرفه والد قيس ...وقال :- السلام عليكم
وقف محمد وقال :- وعليكم السلام أهلا عمي كيف حالك
والد قيس :- نشكر الله كيفك إنت شو أخبارك
محمد :- الحمد لله بخير ... بس إبنك قلقني يا عمي
سأل الأب قيس :- هاد هو الشب
قيس :- اه
قــال الأب :- خير خير إن شاء الله
محمد :- خير عمي شو في ؟؟
الأب :- كل خير ... تعالوا خلينا نقعد في الصاله ونحكي
خــرجــواَ ... وجلسوا في الصــاله ...
الأب :- محمد إسمك مش هيك
محمد :- اه عمي محمد
الأب :- طيب يا محمد إنت وقيس بعرف إنكم أصحــاب من زمان وأخوه مزبوط
محمد :- اه عمي أكيد
الأب :- إن شاء الله بتضلوا طول العمر أصحاب ... هساَ خلينا نكون واقعيين يا قيس ونحكي في الموضوع
محمد :- خير عمي والله خوفتوني
الأب :- ما في شي طول بالك هسا بتعرف كل شي ... لنـــفرض يا محمد إنه طِلع قــيس في بينه وبين أختك لا سمح الله علاقه وهو ما بعرف إنها أختك
وإنت بالصدفه عرفت شو موقفك ؟؟
محمد :- شو مناسبة هالحكي عمي ..
الأب :- جاوبني يا إبني
محمد :- والله يا عمي ما بعرف شو بدي أحكيلك ...يعني صعبه كثيررر الشغلة مش شوي
وما بعرف شو ردة فعلي راح تكون ...
الأب :- بتقتل قيس مثلاً ؟؟
محمد :- لأ طبعــاً ما بتوصل لهون بما إنه ما بيعرف إنها أختي
الأب :- حلووو كثير ... طيب
ذهب الأب إلى غرفة دعاء وقال لها :- إلبسي وإلحقيني
يشير محمد بيده إلى قيس عَلهُ يعرف شيء
لكن قيس رأسه في الأرض ..!!
عاد الأب وقال :- محمد ما تخاف وطول بالك حتى نحل الموضوع
محمد :- والله شغلتولي بالي يا عمي
خــرجت دعاء من غُرفتها ...وذهبت إلى الصاله ... دون أن يراَها أخفض محمد رأسه خجلاً
قال الأب :- محمد بتعرف هاي البنت؟؟ إرفع راَسك شوفها
رَفع محمد رأسه ونظرَ إليها للحظه وقال :- لأ
الأب :- إتفرج مره ثانيه منيح
نــظرَ محمد إلى دعاء للحظــاَت ... وتــمعن بملامحها جيداً
وإنصدم ..!! وقال مستحيل لأ
الأب :- طول بالك ما تخاف ...شو في بينك وبينها
محمد مصدوووووووم جداً لا يقول سوى :- مستحيل لأ لأ
ســالت دمــوع قــيس وركض إلى غرفته وأغلق الباب ..
الأب :- أقعدي دعاء ... يا إبني الله يرضى عليك طول بالك وركز معي
محمد بنبرة خوف :- عمي هاي بنتك ؟؟

الأب :- اه بنتي ... أنا ما راح أعملك شي بس ريحني وصارحني صار بينكم شي ؟؟
محمد :- عمي أنا من يومين بعرفها بس والله ما بعرف إنها بتكون أخت قيس
نزلت دموع محمد ... قيس أخوي يا عمي أنا والله ما بعرف مستحيل
الأب :- أنا مـــتأكد إنك ما بتعرف إنها أخته ... بس خلص خلينا نرضى في الي كاتبه الله ونحل هالموضوع
محمد :- عمي أنا من يومين بعرفها عن الإنترنت وما حكيت معها إلا مرتين
الأب :- طيب على أي أساي بعتتلك صورتها ؟؟
محمد :- عمي أنا ما بعرف إنها بنتك أنا لعبت بعقلها والصراَحه أنا حبيتها
الأب :- لا حول ولا قوة إلا بالله
دعاء مرعوبه رأسها بالأرض وتبكي فقط ..!!
دَخلت أم قــيس وقالت :- حسبي الله ونعم الوكيل فيك بس
الأب :- طولي بالك يا مره الزلمه ما بعرف إنها أخته
الأم :- لعنة الله على كل واَحد بلعب في بنات الناس
الأب :- وبعدييييييييين
محمد :- يا خالتي أنا غلطان وبعترف والله ما أنا عارف شو اعمل ... عمي إذا بدك تقتلني أقتلني ما حدا بيلومك
الأب :- يا إبني أنا لا بدي أقتلك ولا أعملك شي أنا بدي احل هالموضوع وكأنه ما صار شي
محمد :- عمي أنا جاهز لــ الي بدك ياه ... عمي أنا وقيس أخوان وانا قيس عندي إياه بالدنيا كلها
الأب :- إنت حبيتها للبنت ؟؟
محمد أخفض رأسه وقال :- الصراحه اه
ذهبت دعاء إلى غرفتها ...
الأم :- طيب وهسا شو إستفدنا من حبك
محمد :- أنا مستعد أتزوج البنت ... أنا بعرف تربيتكم
الأب :- يا إبني بارك الله فيك ... أنا بنتي ما بعرف شو الي صارلها وعملت هيك
الأم :- ولا شو بدها تتعلم من بنات الجامعات غير قلة الأدب
الأب :- إنت بدك ياها خوف منا ولا إنت رايدها للبنت
محمد :- عمي أنا ما بدي أخسر قيس ... وبدي البنت
الأب :- مـــتأكد ؟؟
محمد :- متــأكد ... بس ما بعرف شو قيس بده
الأب يقول لزوجته :- ناديلي قيس
محمد :- عمي يمكن قيس ما يوافق يمكن بده شي ثاني بتمنى ما تعارضه عمي شو ما كان بده حتى لو بده يقتلني أنا جاهز
لإنها والله صعبه ... أنا مش متخيل كيف صار هيك
الأب :- خير إن شاء الله
دخل قيس ... وقال الأب :- أقعد قيس وإسمعني
قــيس رأسه في الأرض ...
الأب :- قـــيس خلص خلينا نكون واقعيين والي صار صار ... ومحمد طلع زلمه
وبده البنت بالحلال ... إنت شو رأيك ؟؟
محمد :- قــيس والله أنا مش عارف شو أعمل ... والله يا قيس ما بعرف والله
إنتَ بتعرفني منيح يا قيس ... بعمل أي شي غلط إلا أخون واحد صاحبي وخصوصاً إنت يا قيس ... ما عاش الي بده يوطيلك راسك يا قيس ..إرفع راسك وإطلع فيني أنا الي لازم راسي يكون في الأرض مش إنت
الأب :- صاحبك زلمه يا قيس ... وإحمد ربك ما وقعت في إيد أولاد الحرام كان صار أكثر من هيك .. إرفع راًسك وجاوبني
إرتــاَح قيس شيء ما .. وتمالك نفسه ... ونــظرَ إلى محمد بخجل
قال الأب :- الشب بده أختك بالحلال ... موافق ؟؟
قــيس :- شو يا محمد بدك تاخدها بس لإنها طلعت أختي ..وخايف مني ؟؟
محمد :- معك حق تحكي هيك ... وأنا جاهز لــ الي بدك ياه ... بس كون واَثق أنا بدي أختك لإني بعرف تربيتها منيح
وهاد الي عملته مجرد لحظة طيش بتوقع فيه أي بنت
الأب :- كلام صاحبك مزبوط يا قيس ..وخلص الي صار صار والشب ما هرب ..ولا أنا غصبته ياخد أختك هو بده هيك برضاه ..إنت موافق ؟؟
بكى قــيس ....!!
وقف محمد وقــال :- كــأنه قيس مش موافق ...
وقف محمد أمام قيس ...وقال :- إعمل فيني الي بدك ياه قيس
إقــترب قيس من محمد ...مد قيس يده إلى جيبه ..تــأكد محمد بأن قــيس يريد أن يقتله !!
قال :- محمد أنا هيني قدامك يا قيس ..
صـــَرخ قــيس ... وتــقدم من محمد أكثر .. وأخرج يده من جيبه ..
وعانقه ..!!! دمعت عيون أبو قيس
وقال :- الله يلعن النت على اليوم الي عرفناه فيه
محمد :- ساَمحني يا قيس مشان الله سامحني أنا ما بعرف إنها اختك يا قيس
بكى قـــيس حتى نشفت دموعه وقال :- محمد أنا مســامحك ... هاد الي صار كله بسببي
هاد من الله ... بس حتى أصحى من الي بعمل فيه
الأب :- ولا شو مفكر يا قيس " كما تدين تُدان "
محمد :- أنا بدي أختك على سنة الله ورسوله موافق ؟؟
قيس :- أنا بشهد بعد هالمره إنك أزلم واحد عرفته بحياتي
محمد :- إنت صاحبي يا قيس وشرفك هو شرفي ... بس خدوا رأي البنت ... يعني مش إذا غلطت
تتزوج واحد ما بدها ياه ... يمكن ما بدها ياني ليش أظلمها معي
الأب :- كلامك مزبوط
ــــــــــــــــــــــــــ
اقتباس :
لمتابعة الجزء التاسع اضغطو على الرابط
[وحدهم المديرون لديهم صلاحيات معاينة هذا الرابط]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://je-soft.yoo7.com
 
قصة حب الكتروني (8)
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

خدمات الموضوع
 KonuEtiketleri كلمات دليليه
قصة حب الكتروني (8) , قصة حب الكتروني (8) , قصة حب الكتروني (8) ,قصة حب الكتروني (8) ,قصة حب الكتروني (8) , قصة حب الكتروني (8)
 KonuLinki رابط الموضوع
 Konu BBCode BBCode
 KonuHTML Kodu HTMLcode
إذا وجدت وصلات لاتعمل في الموضوع او أن الموضوع [ قصة حب الكتروني (8) ] مخالف ,, من فضلك راسل الإدارة من هنا
صلاحيات هذا المنتدى:لاتستطيع الرد على المواضيع في هذا المنتدى
منتديات جي سوفت :: قسم الــــتــــرفــيـــه :: تسالي-
انتقل الى:  
Back to Top

حفظ البيانات | نسيت كلمة السر؟
تصويت
ما رائيك بـ مظهر المنتدى ؟؟؟
 رائع
 جيد جدا
 جيد
استعرض النتائج